jවිපක්ෂ නායක පත්කිරීම පාර්ලිමේන්තු සම්ප්‍රදායට පටහැනියි. - හිටපු අගවිනිසුරු සරත් එන් ද සිල්වා.

2015 සැප්තැම්බර් මස 03 වැනිදා බ්‍රහස්පතින්දා

දෙමළ රාජ්‍ය පක්ෂයට විපක්ෂ නායක ධුරය හිමි වීම පාර්ලිමේන්තු සම්ප්‍රදායට සහ ප්‍රජාතන්ත්‍රවාදය නියෝජනයට පටහැනි බව හිටපු අගවිනිසුරු සරත් එන් ද සිල්වා පවසයි. එක්සත් ජනතා නිදහස් සන්ධානයේ ශ්‍රී ලංකා නිදහස් පක්ෂය නියෝජනය කරන කොටසක් ආණ්ඩුවට එක්වුවද එහි බහුතරය විපක්ෂය නියෝජනය කරන බවයි හිටපු අගවිනිසුරු සදහන් කරන්නේ. විපක්ෂ නායක පත්කිරීම සම්බන්ධයෙන් සන්ධාන මන්ත්‍රීවරුන් 57 දෙනෙකුගේ අත්සනින් යුතු ලිපියක් ජනාධිපතිවරයාට භාර දී තිබියත් විපක්ෂයේ බහුතරය හඳුනා ගැනීමට නොහැකි වීම දේශපාලන ඛේදවාචකයක් බව ඔහු කියා සිටියි.

  • 82
  • 0
  • 0

විපක්ෂ නායක - සම්බන්ධන්

2015 සැප්තැම්බර් මස 03 වැනිදා බ්‍රහස්පතින්දා

අට වන පාර්ලිමේන්තුවේ විපක්ෂනායක ලෙස දෙමළ රාජ්‍ය පක්ෂයේ ආර්.සම්බන්ධන් පත්ව ඇත. මේ බව කතානායක කරු ජයසූරිය පාර්ලිමේන්තු සැසිවාරය ආරම්භ කරමින් දැනුම් දී තිබෙනවා . විපක්ෂ නායක ධුරය සඳහා එක්සත් ජනතා නිදහස් සන්ධානයේ පාර්ලිමේන්තු මන්ත්‍රී කුමාර වෙල්ගම පත්කරන ලෙස සන්ධාන මන්ත්‍රීවරුන් 56 දෙනෙකුගේ අත්සනින් යුතු ලිපියක් ද ජනාධිපතිවරයාට භාර දී තිබුනා. නමුත් එක්සත් ජනතා නිදහස් සන්ධානයෙන් ඒ සඳහා කිසිදු ප්‍රතිචාරයක්මෙතෙක් ලැබී නොමැත.

  • 39
  • 1
  • 0

පක්ෂ සමුළුවට මන්ත්‍රීවරු රැසකට සහභාගි වීම අහිමි වන ලකුණු.

2015 සැප්තැම්බර් මස 01 වැනිදා අඟහරුවාදා

හෙට දිනයේ පැවැත්වෙන ශ්‍රී ලංකා නිදහස් පක්ෂයේ 64 වන සමුළුවට එම පක්ෂයේ පාර්ලිමේන්තු මන්ත්‍රීවරුන් රැසකට සහභාගි වීමේ අවස්ථාව නොලැබී ඇතැයි පාර්ලිමේන්තු මන්ත්‍රී බන්දුල ගුණවර්ධන පවසයි. ඔවුන් හෙට දිනයෙදීඅධිකරණයේ විභාග වන නඩුවකට පෙනී සිටීමට නියමිතය. ඒ අනුව පොලොන්නරුවේ පැවැත්වෙන නිදහස් පක්ෂ සමුළුවට ඩලස් අලහප්පෙරුම, ගාමිණී ලොකුගේ, ප්‍රසන්න රණතුංග, එස්.එම්.චන්ද්‍රසේන, රොෂාන් රණසිංහ යන මන්ත්‍රීවරුන් රැසකට සහභාගි වීමට නොහැකි වන බවයි වාර්තා වන්නේ.

  • 129
  • 0
  • 0

විපක්ෂ නායක තනතුරට සටන්.

2015 සැප්තැම්බර් මස 01 වැනිදා අඟහරුවාදා

නව පාර්ලිමේන්තුවේ විපක්ෂ නායක ධුරයට නම් පහක් යෝජනා වී ඇති බවත් අද දිනයේ විපක්ෂ නායක ධුරය සඳහා නම් යෝජනා නොවන බවත් සඳහන්. විපක්ෂ නායක ධුරයට සුදුස්සෙකු තෝරා ගැනීම විපක්ෂ මන්ත්‍රීවරුන්ට භාර දෙන බව ජනාධිපති මෛත්‍රීපාල සිරිසේන සන්ධානයේ පක්ෂ නායකයින් සමග පැවැත්වූ සාකච්ඡාවේදී දැනුම් දී ඇත. ඒ අනුව විපක්ෂ නායක ධුරය සඳහා කුමාර වෙල්ගම, චමල් රාජපක්ෂ, දිනේෂ් ගුණවර්ධන, එස්.බී. දිසානායක, දුමින්ද දිසානායක යන මන්ත්‍රීන්ගේ නම් යෝජනා වී ඇති බව සඳන්. ඊට අමතරව සරත් අමුණුගමගේ නම ද යෝජනා වී ඇති බවයි දේශපාලන ආරංචිමාර්ග පවසන්නේ.

  • 89
  • 1
  • 0

නව පාර්ලිමේන්තුවේ කතානායක කරු ජයසූරිය

2015 සැප්තැම්බර් මස 01 වැනිදා අඟහරුවාදා

අටවන පාර්ලිමේන්තුවේ කතානායකවරයා ලෙස එක්සත් ජාතික පක්ෂ ජාතික ලැයිස්තු පාර්ලිමේන්තු මන්ත්‍රී කරු ජයසූරිය පත් විය. අග්‍රාමාත්‍ය රනිල් වික්‍රමසිංහ විසින් කතානායකවරයාගේ නම යෝජනා කරනු ලැබු අතර එම යෝජනාව බදුල්ල දිස්ත්‍රික් එක්සත් ජනතා නිදහස් සන්ධාන පාර්ලිමේන්තු මන්ත්‍රී නිමල් සිරිපාල ද සිල්වා විසින් ස්ථිර කරනු ලැබුවා. පෙරවරු 9.30ට අටවන පාර්ලිමේන්තුවේ මංගල සැසිවාරය ආරම්භ වු අතර පූර්ණ සීනුව නාද කිරීමෙන් පසු පක්ෂ විපක්ෂ මන්ත්‍රීවරු සභා ගැබට පිවිස ජ්‍යෙෂ්ඨත්වය අනුව පක්ෂ විපක්ෂ මන්ත්‍රීවරුන් අසුන්ගෙන ඇත.

  • 35
  • 0
  • 0

ඇමති ධුර 45 යි.

2015 අ‌ගෝස්තු මස 27 වැනිදා බ්‍රහස්පතින්දා

නව ආණ්ඩුවේ කැබිනට් අමාත්‍යවරුන් සංඛ්‍යාව 45 කට සීමා වන බව එක්සත් ජාතික පක්ෂයේ මහලේකම් කබීර් හෂීම් පවසයි. එනමුත් ඇමති ධුර එක්සත් ජාතික පක්ෂය සහ ශ‍්‍රී ලංකා නිදහස් පක්ෂය අතර බෙදී යන්නේ කුමන අනුපාතයකට දැයි තවමත් ප‍්‍රකාශ කර නොමැත. නව ආණ්ඩුවේ බැංකු සහ මූල්‍ය අමාත්‍යවරයා ලෙස කබීර් හෂීම් පත්කෙරෙනු ඇති බව සදහන්. මුදල් අමාත්‍යවරයා ලෙස රවී කරුණානායක ද විදේශ ආයෝජන අමාත්‍යවරයා ලෙස මලික් සමරවික‍්‍රම සහ මහජන සාමය පිළිබඳ අමාත්‍යවරයා ලෙස රුවන් විජේවර්ධන ද පත්කෙරෙනු ඇතැයි මාධ්‍ය වාර්තා පවසයි.

  • 334
  • 0
  • 0

සන්ධානයේ ජාතික ලැයිස්තුවට එරෙහිව ශ්‍රේෂ්ඨාධිකරණයට පෙත්සමක්.

2015 අ‌ගෝස්තු මස 27 වැනිදා බ්‍රහස්පතින්දා

එක්සත් ජනතා නිදහස් සන්ධානයේ ජාතික ලැයිස්තුව වහාම අහෝසි කරන ලෙස ඉල්ලමින් සන්ධානයේ හමුල්කාර පක්ෂයක් වන මහජන එක්සත් පෙරමුණ ශ්‍රේෂ්ඨාධිකරණය හමුවේ පෙත්සමක් ගොනු කර ඇත. දැනට නම් කර ඇති ජාතික ලැයිස්තු මන්ත්‍රී ධුර අහෝසි කොට සන්ධානයේ එකඟතාව මත වෙනත් ලැයිස්තුවක් ගැසට් කළයුතු බව මැතිවරණ කොමසාරිස්වරයාට නියෝග කරන ලෙස එම පක්ෂයේ උප ලේකම් සහ සන්ධානයේ විධායක සභික සෝමවීර චන්ද්‍රසිරි ගොනුකළ පෙත්සමින් ඉල්ලා තිබෙනවා. ඒ අනුව පෙත්සමේ වගඋත්තරකරුවන් ලෙස එක්සත් ජනතා නිදහස් සන්ධානයේ මහ ලේකම් විශ්වා වර්ණපාල, මැතිවරණ කොමසාරිස් මහින්ද දේශප්‍රිය ඇතුළු පුද්ගලයන් 44 දෙනකු නම් කර ඇත. ජනතා පරමාධිපත්‍යය වෙනුවෙන් තමන් මෙම පෙත්සම ඉදිරිපත් කළ බව සෝමවීර චන්ද්‍රසිරි පවසනවා.

  • 157
  • 0
  • 0


හිටපු විගණකාධිපති මන්ත්‍රී ධුරයෙන් ඉල්ලා අස්වෙයි.

2015 සැප්තැම්බර් මස 03 වැනිදා බ්‍රහස්පතින්දා

පසුගිය මහ මැතිවරණයේ ප්‍රතිඵලයට අනුව ජනතා විමුක්ති පෙරමුණ ප්‍රතික්ෂේප කර ඇති බව පැහැදිලි නිසා ජනතා තීරණයට ගරු කරමින් තමන් ධුරයෙන් ඉල්ලා අස්වන බව ජනතා විමුක්ති පෙරමුණේ ජාතික ලැයිස්තු මන්ත්‍රී සරත්චන්ද්‍ර මායදුන්නේ පැවසුවා. හෙතෙම පාර්ලිමේන්තුවේදී මාධ්‍යවේදීන් අමතා මේ බව සඳහන් කළා. ඒ අනුව පාර්ලිමේන්තුවෙන් ඉවත් වී දේශපාලනයේ නිරත වීම සුදුසු බව මන්ත්‍රී සරත්චන්ද්‍ර මායාදුන්නේ සඳහන් කළා.

  • 22
  • 0
  • 0

Connect With Us



හිටපු විගණකාධිපති මන්ත්‍රී ධුරයෙන් ඉල්ලා අස්වෙයි.

2015 සැප්තැම්බර් මස 03 වැනිදා බ්‍රහස්පතින්දා

පසුගිය මහ මැතිවරණයේ ප්‍රතිඵලයට අනුව ජනතා විමුක්ති පෙරමුණ ප්‍රතික්ෂේප කර ඇති බව පැහැදිලි නිසා ජනතා තීරණයට ගරු කරමින් තමන් ධුරයෙන් ඉල්ලා අස්වන බව ජනතා විමුක්ති පෙරමුණේ ජාතික ලැයිස්තු මන්ත්‍රී සරත්චන්ද්‍ර මායදුන්නේ පැවසුවා. හෙතෙම පාර්ලිමේන්තුවේදී මාධ්‍යවේදීන් අමතා මේ බව සඳහන් කළා. ඒ අනුව පාර්ලිමේන්තුවෙන් ඉවත් වී දේශපාලනයේ නිරත වීම සුදුසු බව මන්ත්‍රී සරත්චන්ද්‍ර මායාදුන්නේ සඳහන් කළා.

  • 24
  • 0
  • 0

ඓතිහාසික වටිනාකමින් යුත් බුදු පිළිමයක් තමිල්නාඩු ප්‍රාන්තයෙන් සොයා ගැනේ.

2015 සැප්තැම්බර් මස 01 වැනිදා අඟහරුවාදා

ඉන්දීය පුරා විද්‍යා පර්යේෂණ කණ්ඩායමක් තමිල්නාඩු ප්‍රාන්තයේ තෙනි දිස්ත්‍රික්කයේ ආණ්ඩිපාට්ටි ප්‍රදේශයේ සිදු කළ කැනීම්වලදී ඓතිහාසික වශයෙන් වැදගත් පෞරාණික බුද්ධ ප්‍රතිමාවක් සොයාගෙන තිබෙනවා. එම බුද්ධ ප්‍රතිමාව සොයා ගත් කණ්ඩායමේ ප්‍රධානී ආචාර්ය පාණ්ඩිය ශාන්තලිංගම් පවසන්නේ බාහිර ස්වරූපය සහ සංකේතාත්මක වටිනාකම දෙස අවධානය යොමු කර බැලීමේදී එය 10 වන සියවසට අයත් එකක් බව නිගමනය කළ හැකි බවයි . එම ප්‍රදේශයේ මීට පෙර සිදු කළ කැනීම්වලදී ජෛන ආගමට අයත් පෞරාණික ප්‍රතිමා රැසක්ද හමුවී තිබෙනවා. 9 වන සහ 10 වන සියවස් අතර කාලයේ දකුණු ඉන්දියාවේ ජෛන ආගම ප්‍රචලිතව පැවති නමුත් බුදුදහම ද ඊට සමගාමීව පවතින්නට ඇති බව එමගින් විශ්වාස කළ හැකි බවත් එම ප්‍රදේශයෙන් බුද්ධ ප්‍රතිමාවක් හමු වූ පළමු අවස්ථාව මෙය බවත් ආචාර්ය ශාන්තලිංගම් පවසයි..පද්මාසනයක් මත ධ්‍යානගතවී සිටින ආකාරය දැක්වෙන අඩි තුනක් පමණ උසැති ශෛලමය බුද්ධ ප්‍රතිමාවක් වන එය සම්පූර්ණයෙන් නිම කොට නොමැති අතර බුද්ධ ප්‍රතිමා ශීර්ෂයේ කේෂාලංකාරය සහ දෑසෙහි නෙලීම් කටයුතු ද සම්පූර්ණ කර නොමැත.

  • 89
  • 0
  • 0