ඔලිම්පික් ක්‍රීඩා උළෙල අතිශය වැදගත් අවස්ථාවක් බවත්, මානව සමගිය හා ලෝක සාමය ප්‍රවර්ධනය පිළිබඳ ක්‍රීඩාවේ කාර්යභාරය එමගින් විදහාපාන බවත් එක්සත් ජාතීන්ගේ මහලේකම් ඇන්ටෝනියෝ ගුටරෙස් මහතා ඊයේ(13) ප්‍රකාශ කළේය. තමා කිසිදු දේශපාලන මතවාදයකින් තොරව බෙයිජිං සීත ඍතු ඔලිම්පික් උළෙලේ සමාරම්භක අවස්ථාවට එක් වන බව ද ඔහු කියාසිටී. ඔලිම්පික් ක්‍රීඩා උළෙල, ලෝක සාමය ප්‍රවර්ධනය කරන අවස්ථාවක් බව එමගින් පැහැදිලි කිරීමට තමා කැමති බව ද ගුටරෙස් මහතා පැවසීය.
මේ අතර, එක්සත් ජාතීන්ගේ මහලේකම්වරයා චීනයට පැමිණ බෙයිජිං සීත ඍතු ක්‍රීඩා උළෙලේ සමාරම්භක උළෙලට එක් වීම චීනය පිළිගන්නා බව, චීන විදේශ අමාත්‍යංශ ප්‍රකාශක වං වෙන්බින් මහතා අද(14) ප්‍රකාශ කර ඇත.
